Министрлер кабинетинин төрагасы Акылбек Жапаров Жогорку Кеңеш тарабынан Кыргызстандын Акыйкатчысы болуп шайланган Атыр Абдрахматованы кабыл алып, жаңы кызматка дайындалышы менен куттуктады.  Бул тууралуу өкмөттүн басма сөз кызматы билдирди.

Маалыматка караганда, Акылбек Жапаров Акыйкатчы мамлекеттик органдардын иш-аракеттеринин мыйзамдуулугун, адам укуктары менен эркиндиктеринин сакталышын көзөмөлдөгөн, Өкмөт кызматкерлерине болгон жарандардын дооматтарын карап чыгуучу институт экенине токтолуп, ушундай жоопкерчиликтүү кызматка биринчи жолу аял киши шайланып келгенин айтып, бул тармакта жакшы жылыштар болоруна ишене турганын билдирди.