Сокулук районунун ички иштер башкармалыгы дайынсыз жоголгон 1982-жылы туулган Ондобеков Карим Аликовичти издеп жатат. Бул тууралуу облустук ички иштер башкы башкармалыгынын басма сөз кызматы билдирди.

Алдын ала маалыматтар боюнча, 2021-жылдын ноябрь айында Сокулук районуна иштөө үчүн келип, дайынсыз жоголуп, 2022-жылдын 27-28-февралында байланышка чыккан. Күбөлөрдүн айтымында, аны акыркы жолу Ош базарынын жанынан көрүшкөн.

Белгилери: бою 168-170 см, орто дене түзүлүштө, чачы кара кыска, көздөрү кара тегерек, сакал-муруту болушу мүмкүн.

Кийген кийимдери: кара күрмө, кара шым, кара көк түстөгү кроссовка болгон.

Милиция Ондобековдун жүргөн жери тууралуу маалыматы барларды 0(312) 60-75-67, 0(705) 67-39-39 телефондоруна байланышууну суранат.