Жогорку Кеңештин көпчүлүк коалициясы сунуштаган өкмөттүн курамында биринчи-вице-премьер-министрликке мурдагы депутат Алмазбек Батырбековдун талапкерлиги көрсөтүлүп жатат. Бул тууралуу премьер-министрликке талапкер Кубатбек Боронов коалициянын жыйынында жарыялады.
Ал буга чейинки өкмөттүн курамы дээрлик өзгөрбөгөнүн, өзүнүн ордуна Батырбеков, аппарат башчы өз арызы менен кеткендиктен, анын ордуна Таалайбек Темиралиев сунушталганын айтты.
Мындан сырткары Маалыматтык технологиялар жана байланыш боюнча мамлекеттик комитеттин төрагалыгына Жогорку технологиялар паркынын жетекчиси Алтынбек Исмаилов көрсөтүлгөнүн белгиледи.
