Кыргы-тажик чек арасында курман болгон Өзгөчө кырдаалдар министрлигинин Баткен башкармалыгынын кызматкери, лейтенант Айбек Ысманов 18-сентябрда акыркы сапарга узатылды.
Маркум №106 өрткө каршы-куткаруу бөлүгүнүн кароол башчысы кызматында эмгектенип, адам өмүрүн куткарууга өз салымын кошуп, ийгиликтүү эмгектенип келген.
Ал 2022-жылдын 16-сентябрында кызматтык милдетин аткаруу учурунда кыргыз-тажик чек арасында болгон кагылышуудан улам душман огунан каза болуп, иш десе ишке тойбой турган 35 жаш курагында акыркы сапарга узады. Анын артында 3 уулу жана жубайы калды.
Биздин Телеграм каналга катталыңыз
