Кыргызстандын президентинин маалымат катчысы Аскат Алагөзөв 30-июлдан 1-августка чейин «Тамчы» эл аралык аэропортунан Чолпон-Ата шаарына чейинки автожол маал-маалы менен жабылып турарын билдирди.

Анын айтымында, чектөөлөр Өзбекстандын президенти Шавкат Мирзиёевдин жана Азербайжандын президенти Илхам Алиевдин мамлекеттик сапарларына байланыштуу киргизилүүдө. Мындан тышкары, бул күндөрү Ысык-Көлдө мамлекет башчыларынын катышуусунда «Борбордук Азия — Азербайжан» саммити өтөт.

Ысык-Көл районунун тургундарынан жана Ысык-Көлдө эс алып жүргөндөрдөн жол жүрүүнү пландаштырууда убактылуу чектөөлөрдү алдын ала эске алууну жана жаралышы мүмкүн болгон ыңгайсыздыктарга түшүнүү менен мамиле кылууну суранышат.