Бүгүн, 5-майда Ат-Башы районунда өзгөчө кырдаал режими алынды. Бул тууралуу ӨКМдин басма сөз кызматы билдирди.
ӨКМдин Нарын облустук башкармалыгынын маалыматына ылайык, аба-ырайы турукташып жааган карлар ээрип, малчыларга жана мал-жандыктарга болгон коркунуч жоюлгандыгына байланыштуу көзөмөл жергиликтүү бийликке жүктөлүп, куткаруучулардын жардамына муктаждык жок экенин билдирген.
“Мындан улам Ат-Башы районунун акимдин буйругунун негизинде 5-майдан тарта Ат-Башы районунун аймагында өзгөчө кырдаал режими алынды”, — деп айтылат маалыматта.
Белгилей кетсек, 2-3-май күндөрү калың жааган кардын кесепетинен жайлоо-кыштоолордо мал-жандыктар тоютсуз калышкан. Жерине жергиликтүү бийлик өкүлдөрү менен биргеликте жем-чөп жеткирилген.
Нарын: Калың жааган кардан улам 2,5 миң баш мал тоютсуз калды (видео)
Биздин Телеграм каналга катталыңыз
