28-октябрдан 31-октябрга чейин Орусиянын Москва облусунда Евразия Лигасынын Дүйнө чемпиондугунун финалы, ошондой эле бүткүл россиялык “Максима Парк Кубогу” турниринин финалы болуп өттү. Орусия, Казакстан, Кыргызстан жана Өзбекстандын чабандестери күч сынашты.
Кыргызстандык Камил Сабитов Куинтендро аты менен Кыргызстандын намысын коргоду. Ал «Максима Парк Кубогунун алтын айлампасында» эки медалга ээ болду. Алтын (125 сантиметр бийиктиктеги тоскоолдуктар менен мелдеште) жана күмүш (120 сантиметр). «Максима Парк Кубогунун Алтын Айлампасынын» абсолюттук чемпиондугунда ал жетинчи болуп алдыңкы ондукка кирди.
