Чүй облусунда Аскер институтунун курсанттары жол кырсыкка кабылышты. Бул тууралуу Reporter.kg′ге күбөлөр билдирди.
Алдын ала маалыматтарга караганда, курсанттар бара жаткан аскердик “КамАЗдын” айдоочусу башка унаа менен кагылышып калбоо үчүн жолдон чыгып, бакты сүзгөн.
«Курсанттар «Ата-Бейит» мемориалын көздөй бара жатышкан. Алар ант бергенден кийин чыгышкан. Кырсыктын кесепетинен 25 адам жабыркаган. Алардын баары ооруканага жаткырылган», — деп билдиришти.
Бардык жаңылыктар Телеграм каналда
