Токмок шаарында атасынын унаасын уурданып айдап чыккан бала жана достору кармалды. Бул тууралуу Жол кыймылынын коопсуздугун камсыздоо башкы башкармалыгынан билдиришти.

Маалыматка ылайык, Токмокто жол тескөөчүлөрү Audi унаасын токтоткондо, айдоочу аларга баш ийбей качууга аракет кылган. Кызматкерлер артынан жетип барып, текшерүү учурунда айдоочусу жана ичиндеги жүргүнчүлөрү өспүрүмдөр экени аныкталган. Ошондой эле рулда отурган 15 жаштагы бала айдоочулук күбөлүгү жок туруп, атасынын унаасын уурданып айдап чыккан.

Аталган факт боюнча унаа айып короого коюлуп, өспүрүмдөр милицияга жеткирилип, ата-энеси чакыртылган.