Үстүбүздөгү жылдын 1-июнунан тарта айыл чарба багытындагы жеңилдетилген насыяларды алуу үчүн арыздарды кол менен кабыл алуу токтотулат. Бул тууралуу Айыл чарба министрлиги билдирди.

Эми дыйкандар арыздарды министрликтин электрондук кезек системасы — «i-Dyikan» санариптик платформасы аркылуу аркылуу бере алышат.

Жаңы система төмөнкү мүмкүнчүлүктөрдү сунуштайт:

• онлайн каттоодон өтүү;
• жеңилдетилген каржылоого аралыктан арыз берүү;
• электрондук кезекке туруу;
• арыздын абалын реалдуу убакыт режиминде көзөмөлдөө.

Министрликтин маалыматында, система мамлекеттик каражаттарды бөлүштүрүүнүн ачыктыгын жана натыйжалуулугун жогорулатуу максатында түзүлгөн. «i-Dyikan» платформасы агрардык тармак үчүн бирдиктүү санариптик терезе катары кызмат кылат. Келечекте платформанын мобилдик тиркемеси ишке киргизилет.

Каттоодон өтүү үчүн idyikan.agro.gov.kg сайтына кирүү зарыл.