Баткенде дарыяга агып кеткен 48 жаштагы эркек киши жети күндөн бери табылбай жатат. Бул тууралуу Баткен РИИБи билдирди.

Жаран сууга 10-августта Кожешкен жайлоосундагы Кулп жерлигинде түшүп кеткен. Маалымат РИИБдин электрондук журналына катталып, издөө иштери башталган.

Учурда издөө иштерине кошумча күчтөр тартылып, иш үч багытта — Зардалы, Жылуу-Суу-Таян жана Ак-Турпак айылдарынын тарабында жүргүзүлүүдө.