Баткен облусунда эки жашар кызын сабаганын видеого тартып, жолдошуна жөнөткөн аял убактылуу кармоочу жайга камалды. Бул тууралуу облустук милициянын басма сөз кызматы билдирди.

Маалыматка караганда, бул иш боюнча Кылмыш-жаза кодексинин 138-беренеси «Балага же алсыз абалдагы адамга карата кыйноо» боюнча кылмыш иши козголгон. Иштин алкагында аял 30-январда 48 саатка убактылуу кармоочу жайга киргизилген.

Эске салсак, Кадамжай районунда аял эки жашар кызын сабап салган. Белгилүү болгондой, аялдын мындай кадамга барышына күйөөсү менен ажырашып жатканы себеп болгон.

Аялдын үч баласы, анын ичинде ур-токмокко алынган кыз үй-бүлөлүк тибиндеги балдар үйүнө жайгаштырылды.

Кызын сабаганын видеого тартып, жолдошуна жиберген аялга иш козголду

Биздин Телеграм каналга катталыңыз