Баткен облусунун  Ак-Сай айылына өзбекстандык кыргыздар үй салууга акысыз жардам берип жатышат. Бул тууралуу Интербилим Ош инстаграм баракчасына видео жарыяланды.

Видеодо аты аталбаган өзүн өзбекстандык кыргызмын деп тааныштырган киши төмөндөгүлөргө токтолду.

“Биз өзбекстандык кыргыздар акча бере албасак дагы  5-6 объект алдык,  учурда пайдубалын куюп жатабыз, толугу менен бүтүрүп берели деп атабыз”-деди.

• Жарандык коргонуу комиссияларынын изилдөөлөрүнүн натыйжасында 661 турак үй жабыркагандыгы аныкталып, анын ичинен 423 турак жай жашоого жараксыз деп табылган.  Министрлер кабинетинин төрагасы Акылбек Жапаров жаңы жылга чейин үйлөрдү салып берүүнү убада кылган. 

Эскерте кетсек, 16-17-сентябрдагы кыргыз-тажик чек арасындагы чыр-чатакта Баткен облусунун аймагында 600дөн ашуун турак жай жабыркаган.

Бардык жаңылыктар Телеграм каналда