Баткен облусунда Дөгмөн жайлоосунда жоголгон 30 жаштагы жаран изделүүдө. Бул тууралуу Өзгөчө кырдаалдар министрлигинен билдиришти.

Алдын ала маалымат боюнча, 7-август күнү Орто-Боз айылынын 30 жаштагы Д. Р. С аттуу тургуну Кишемиш жайлоосуна мал айдоого кетип, кайра болжол менен саат 18:00дө ат менен Дөгмөн жайлоосу аркылуу үйүнө кайткан бойдон дайынсыз болууда.

30 жаштагы жаранды издөөгө 9 куткаруучу, жергиликтүү тургундардан 50 киши жана 7 милиция кызматкери тартылган.

Кийинчерээк кошумча маалымат берилет.

Бардык жаңылыктар Телеграм каналда