Баткен шаарындагы “Жаштык” эс алуу багында 3 миллион сомго заманбап даараткана курулуп, пайдаланууга берүү алдында турат. Бул тууралуу Баткен шаардык мэриясы маалымдады.

Маалым болгондой, даараткана ички инвестициянын негизинде курулду.

“Мындан тышкары “Жеңиш” эс алуу багында Кыргызстандын Туризмди өнүктүрүү фонду тарабынан 5 миллион сомдук заманбап даараткана куруу пландалууда. Ошондой эле, буга чейин жергиликтүү бюджеттен шаардын Ходжаев көчөсүндө жалпы колдоонууга багытталган даараткана курулуп, пайдаланууга берилди”, – деп айтылат маалыматта.

Белгиленгендей, Баткен шаарында коомдук жайларга заман талабына ылайык даараткана куруу боюнча иштер жүрүп жатат.

Бардык жаңылыктар Телеграм каналда