Кыргызстандын Коргоо министрлигинин аскердик контингенти Беларустун Витебск шаарында өтүп жаткан ЖККУнун Коллективдүү ыкчам аракеттенүүчү күчтөрүнүн «Өз ара аракеттенүү-2025» биргелешкен машыгуусуна катышууда. Бул тууралуу Коргоо министрлигинин басма сөз кызматы билдирди.

Маалыматка ылайык, бул биргелешкен машыгуу уюмга мүчө мамлекеттердин бөлүктөрүнүн өз ара аракеттенүүсүн оперативдик-тактикалык жактан өркүндөтүү, аскердик шайкештигин жогорулатуу жана заманбап шарттарда тажрыйба алмашуу максатында өткөрүлүүдө.