Чүйдүн Аламүдүн районунда жаранды 17 миң долларга алдап кетүүгө шектелип, 41 жаштагы эркек киши кармалды. Бул тууралуу облустук милициядан билдиришти.

Маалыматка ылайык, милицияга жаран арыз менен кайрылып, былтыркы жылдын 8-августунда шектүү анын камакта жаткан бир тууганын бошотуп берем деп ишенимине кирип, 17 миң долларын ээлеп алганын билдирген.

Аталган факт боюнча Кылмыш-жаза кодексинин «Алдамчылык» беренеси менен кылмыш иши козголгон.

Тергөө иштеринин жүрүшүндө Москва районунун тургуну К.Э. кармалып, соттун чечими менен камалган. Учурда тергөө иштери жүргүзүлүүдө.