Бишкек шаарынын Арча-Бешик конушундагы №79 мектептин 570 орундуу жаңы имаратынын курулушу аяктады. Бул тууралуу Курулуш, архитектура жана турак жай-коммуналдык чарба министрлиги маалымдады.

Үч кабаттуу корпус эки нөөмөттө иштеп, 1000ден ашык окуучуга ылайыкталган. Имаратта окуу класстары, лаборатория, китепкана, ашкана, жыйындар залы, компьютердик класс, дарыгердин бөлмөсү жана спорт залы жайгашкан. Ошондой эле аймакта спорт аянтчалары курулган.

Окуу жайдын курулушу республикалык бюджеттин эсебинен каржыланган. Ал – өлкө башчы Садыр Жапаровдун тапшырмасы менен 2026-жылы курулушу башталган 20 мектептин бири.