Бишкек — Балыкчы багытындагы жүргүнчүлөр поезди 3 жана 4-октябрда кошумча каттамдарды аткарат. Бул тууралуу «Кыргыз темир жолу» мамлекеттик ишканасынын басма сөз кызматы билдирди.

Темир жол компаниясынын маалыматына ылайык, кошумча каттамдар жүргүнчүлөргө ыңгайлуу шарт түзүү жана бул багыттагы транспорттун жеткиликтүүлүгүн жогорулатуу максатында киргизилүүдө.

Поезд буга чейин белгиленген график боюнча каттайт. Жол жүрүү убактысы жана жол кире баасы өзгөргөн жок.