Бишкек-Ош жолунун 493-чакырымында жол кырсыгы катталып, 7 адам каза болуп, 6 адам жабыркады. Бул тууралуу Өзгөчө кырдаалдар министрлигинин маалымат кызматынан кабарлашты.

Маалыматка ылайык, окуя кечээ, 4-март күнү болжол менен түнкү саат 01:00 чамасында болгон.

“Мерседес-Вито” жана “Хонда-Жаз” үлгүсүндөгү унаалардын катушуусунда жол кырсыгы катталган. Жабыркаган 6 адам Шамалды-Сай шаарчасындагы ооруканага жеткирилген. Ал эми каза болгон 7 адамдын жансыз денелери Кочкор-Ата шаардык ооруканасынын өлүк сактоочу жайына жеткирилген”, – деп жазылат маалыматта.