Бишкекте 15 жаштагы өспүрүм баланы урган адам кармалды. Бул тууралуу Ленин райондук милициясынан билдиришти.

Маалыматка караганда, милицияга 19-апрелде аял киши кайрылган. Ал билдиргендей, анын 2009-жылы туулган баласын бир адам эч себепсиз урган.

Аталган факт боюнча Кылмыш-жаза кодексинин 280-беренесине (бейбаштык) ылайык  кылмыш иши козголуп, соттук-медицинадык эктпертиза дайындалган.

Бул ишке шектүү катары 33 жаштагы М.А. аттуу жаран кармалып, убактылуу кармоочу жайга камакка алынды.

Учурда тергөө иштери уланууда.

Милиция өспүрүмдөргө зомбулук көрсөткөн адамдар жазага тартыларын эскертет.