Бишкектин Октябрь РИИБнин кызматкерлери алдамчылыкка шектелген жаранды кармашты. Бул тууралуу ШИИБдин басма сөз кызматы билдирди.
2022-жылдын 22-мартында арыз ээси Д.Э. аттуу жаранга карата чара көрүү өтүнүчү менен үстүбүздөгү жылдын февраль айында кайрылган. Ал борбор калаанын 8-кичи районунда жүргөндө алдамчылык жол менен анын ишенимине кирип, ижарага берүү шылтоосу менен «Sony-PlayStation» оюн жабдууларын алган. Анын жалпы баасы 100 миң сом, андан кийин үчүнчү жактарга сатып, белгисиз тарапка изин жашырып кеткен.
Аталган факты Бишкек шаарынын Октябрь райондук ИИБнин РИИБге катталып, КР Кылмыш-жаза кодексинин 209-беренесинин (алдамчылык) негизинде кылмыш иши козголгон.
Кылмышка шектүү 1994-жылы туулган Х.Н.нын өздүгү такталып, кармалып, бир айга камакка алынган.
Мындан тышкары, анын ушул сыяктуу кылмыштарды жасоого катыштыгы бар экендиги аныкталды.
