5–7-июнь күндөрү Бишкек шаарында XI эл аралык Борбор Азия бий олимпиадасы (International Dance Olympiad of Central Asia) өтөт.

Иш-чара Маданият министрлигинин, Спорт мамлекеттик агенттигинин жана Бишкек шаарынын мэриясынын колдоосу менен уюштурулууда.

Олимпиадага 10 өлкөдөн 5 миңден ашуун катышуучу келет. Катышуучулар классикалык, элдик, заманбап жана эстрадалык бий багыттары боюнча өнөрлөрүн көрсөтүшөт.

Министрлик бул олимпиада таланттарды ачуу жана тажрыйба алмашуу аянтчасы катары Борбор Азиядагы бий жамааттарын бириктирген негизги платформалардын бири болуп саналарын билдирди.