Бишкекте 1-ноябрда Ала-Тоо аянтында кыргыз милициясынын 100 жылдык мааракесине карата парад, кечинде майрамдык концерт болот. Бул тууралуу Ички иштер министрлигинен билдиришти.

Парад УТРКнын телеканалында онлайн режиминде көрсөтүлөт жана бардык жалпыга маалымдоо каражаттарында чагылдырылат.

Кечки концерттик программага ички иштер органдарынын кызматкерлеринин “Ыр кесе” музыкалык сынагынын жеңүүчүлөрү жана лауреаттары катышат. Концерт саат 18:00до башталат.

Аталган иш-чарага байланыштуу Ала-Тоо аянты унаалар үчүн жабылат. ИИМ буга түшүнүү менен мамиле жасап, бара турган жерге жолду алдын ала тандап алууну суранат.