Бишкектин Октябрь районунда милиция “Тилемчи” аталышындагы профилактикалык иштерди жүргүзүүдө. Бул тууралуу райондук милициядан билдиришти.

Аталган иштер 3-апрелде башталып, 7-апрелге чейин уланат. Ага райондук милициянын Коомдук коопсуздук кызматынын бардык кызматкерлери тартылды.

Бул иш-чаранын биринчи күнүндө милиция тилемчилик кылган адамдар көп жүргөн жерлерде (эл көп болгон коомдук жайларда, жолдордо, унаа токтотуучу жерлерде, соода борборлорунун жана мечиттердин жанында) рейд уюштурду. Анын алкагында милицияга кайыр сураган адамдар жеткирилип, алар менен түшүндүрүү иштери жүргүзүлдү.