Сахнадан “Эсибизде, алар тирүү» деген үн угулду. Бул сөздөр тарыхый эстутумду сактоонун маанилүүлүгүн ар бир адамга эскертип, күндүн негизги билдирүүсүнө айланды.

Бүгүн Бишкек шаарындагы №29-орто мектепте «Эскерүү күнүнө» арналган салтанаттуу жыйын болуп, ага мектеп окуучулары, мамлекеттик кызматкерлер, албетте, күндүн башкы каармандары – Улуу Ата Мекендик согуштун ардагерлери катышты.

Ардактуу меймандардын арасында 96 жаштагы Иван Иванович Даниленко жана 97 жаштагы Петр Семенович Хищенко бар.

Жаш курагына карабастан, алар Советтер Союздун Баатыры, акын-жоокер Муса Жалилдин эстелигине гүл коюп, жаш муундарга тынчтыктын баасын эске салуу үчүн жеке өздөрү келишкен.