Борбор калаанын мэри Эмилбек Абдыкадыров үч эм төрөлгөн үй-бүлөгө барды. Бул тууралуу мэриянын басма сөз кызматы билдирди.
Маалыматка караганда, калаа башчысы үй-бүлөнү куттуктап, 90 миң сомдук сертификат жана азык-түлүк куржунун тапшырды.
Эске салсак, 20-декабрда Нурзида Садырбаева Нурбакыт, Нурмухамет, Нурсултан аттуу үч эмдерди жарык дүйнөгө алып келген. Үй-бүлөдө жети бала бар – 6 уул, 1 кыз.
Буга чейин Жогорку Кеңештин депутаты Нуржигит Кадырбеков, саламаттыкты сактоо министри Гүлнара Баатырова жана Ленин районунун акими Русланбек Тагаев ымыркайларды төрөт үйүнөн чыгарышкан.
Алар Исаковдун үй-бүлөсүнө каалоо-тилек айтып, белектерин беришкен.
Биздин Телеграм каналга катталыңыз
