Бүгүн Бишкек шаарындагы мектептерде окуу күнү кыскартылат. Бул тууралуу мэрия билдирди.
Бала бакчалар ата-энелер менен биргеликте чечим кабыл алып, балдарды кечке чейин калтыра алышат.
Жеке менчик мектептерге да ушундай чараларды көрүү сунушталды.
17-18-февралда абанын температурасы төмөндөйт.
Маалыматка караганда:
Чүй өрөөнүндө түнкүсүн -18…-23°, күндүз -7…-12°;
Талас өрөөнүндө түнкүсүн -20…-25°, күндүз -8…-13°;
Ош, Жалал-Абад, Баткен облустарынын өрөөндөрүндө түнкүсүн -5…-10°, күндүз 0…-5°;
Ысык-Көл ойдоңунда түнкүсүн -10…-15°, күндүз -4…-9°;
Нарын облусунун дыйканчылык аймактарында түнкүсүн -16…-21°, күндүз -4…-9 градус суук болот.
Тоо этектеринде түнкүсүн -19…-24°, күндүз -9…-14°, тоолуу райондордо түнкүсүн -20…-25°, күндүз -11…-16°, бийик тоолуу райондордо жана Суусамыр өрөөнүндө түнкүсүн -28…-33°; күндүз -13…-18° суук болушу күтүлөт.
Мындай суук аба-ырайы унаа, энергетика жана коммуналдык кызматтардын ишин кыйындатат.
Биздин Телеграм каналга катталыңыз
