Бишкектеги сейил бакта тигилген жоогазындарды уурдагандар кармалды. Бул тууралуу шаардык милициядан билдиришти.

Милициянын маалыматы боюнча, 12-апрелге караган түнү Эмен сейил багында тигилген жоогазындарды белгисиз адамдар уурдап кеткен.

Бул окуядан кийин милиция издөө иштерине киришип, гүлдү уурдагандар жоогазындарды сатып жатканда кармалган. Шектүү катары 28 жаштагы Ш.С. жана 47 жаштагы К.Н. аттуу жарандар кармалып, милицияга жеткирилген.

Учурда тергөө иштери уланууда.