Бишкек шаарынын тургунунун үйүнөн героин жана апийим табылды. Бул тууралуу ИИМден билдиришти.
Маалыматка караганда, 1984-жылы туулган К.У. аттуу жарандын үйүнүн короосунан кызматтык иттин жардамы менен жашыл түстөгү курулуш мээлейи табылып, анын ичинде боз түстөгү өзгөчө жыты бар зат, салмагы 40 грамм героин, 90 грамм апийим табылган.
Аталган факт боюнча Кылмыш-жаза кодексинин 282-беренеси менен кылмыш иши козголуп, кармалган шектүү К.У. Бишкек шаарынын №1 тергөө абагына киргизилди. Учурда тергөө иштери улантылууда.
Биздин Телеграм каналга катталыңыз
