Бишкек шаарындагы үйлөргө жылуу суу берүүнү улантабыз. Бул тууралуу “Бишкекжылуулуктармагы”-“Электр станциялар” ААКнын филиалынын башчысы Уран Раимбеков билдирди.
Ал шаардыктарга алдын ала чараларды көрүүнү сунуштады.
«Ысык суунун муздак сууга агып куюлушун болтурбоо үчүн, суу жылыткычтарды (аристон) өчүрүп, жалпы колдонуудагы тик түтүктөрдө бекиткич арматураны жабууну суранабыз. Ошондой эле, имараттардын үстүнкү кабаттарындагы жылытуу приборлордо жайгашкан жел чыгаргычтар аркылуу жылытуу системасынан абаны чыгаруу зарылчылыгына көңүл бурууну өтүнөбүз»,- дейт ал.
