Брюссель шаарынын Борбордук китепканасында  “Nooruz 2024” масштабдуу фестивалы өткөрүлдү. Бул тууралуу Тышкы иштер министрлиги билдирди.

Иш-чарага кыргыз диаспорасы, Бельгия Королдугунун борборунун тургундары жана меймандары, чет өлкөлөрдүн дипломатиялык өкүлчүлүктөрүнүн өкүлдөрү катышты.

Майрамдык салтанатта кыргыз элинин маданий мурастарынын көргөзмөсү, элдик чыгармачылыкка арналган фотокөргөзмө уюштурулду.

Меймандар Кыргыз улуттук тамактарынын даамдарын татып көрүп, улуттук кийимчен жаш улан, кыздарынын дефилесин көрүп, ошондой эле улуттук музыкалык аспапта – комузда ойногон ырларды уга алышты. Фестивалдын катышуучуларына улуттук “боз үй” тартууланды.

Биздин Телеграм каналга катталыңыз