Токмок шаарында  41 жаштагы тургундун 40 тонналык контейнерин уурдап кетишкендер кармалды. Бул туурасында Чүй облустук милициядан билдирди.

Маалыматка караганда,  жергиликтүү милицияга кабар  2-декабрь күнү жеткен.  Кылмыштардын жана жоруктардын бирдиктүү  реестрине катталып, издөө баштаган. Натыйжада, уурдап кетүүгө шектүүлөр кармалып,  райондук милицияга жеткирилген.

Иликтөөдө, контейнерди темир алган жайлардын бирине өткөрүшкөнү аныкталган.

Учурда милиция жогорудагы кылмышка шектүүлөрдөн  башка уурулук фактыларына тиесшеси бар же жогун текшерүүдө.

Сотко чейинки териштирүүлөр уланууда.