Бишкекте жолдорду кеңейтүү: 13 тилкенин ээсине 40,7 млн сом бөлүндүБишкекте жасалма интеллект, финансы жана блокчейн боюнча эл аралык форум өтөтМанас шаарында курулуп жаткан жаңы муниципалдык базар декабрда ишке берилетКыргызстан менен Вьетнамдын курамалары бүгүн жолдоштук беттеш өткөрөтКыргызстандын эл артисти Роза Аманова Түркияда эл аралык сыйлыкка татыдыМинистрлер Кабинети парламентке 2027-жылдын бюджетинин долбоорун тааныштырды
Чүйдө жаран алдамчылыкка шектелип кармалды
06.03.2025 | 11:11
Чүй облусунун Жайыл районунда 38 жаштагы жаран алдамчылыкка шектелип кармалды. Бул тууралуу облустук милиция билдирди.
Маалыматка ылайык, былтыр 5-ноябрда Жайыл райондук милициясына 45 жаштагы жаран кайрылып, А.Н. аттуу жаран андан баасы 257 миң сом турган курулуш материалдарын алып, акчасын бербей кеткенин билдирген. Жарандын айтымында, сатып алуучу акчаны “унутуп” калганын, кийинчерээк алып келип берерин айтып, андан кийин материалдарды башка адамдарга сатып, из жашырып кеткен.
Аталган факт боюнча Кылмыш-жаза кодексинин 209-беренесинин (алдамчылык) негизинде кылмыш иши козголгон.
Иликтөө иштеринин натыйжасында шектүү катары 38 жаштагы А.Н. аттуу жаран кармалган. Учурда тергөө жүрүп жатат.
Рубрики: Жаңылыктар, Окуялар