Кыргызстандын Орусиядагы элчигинин имаратында тейлөө өтө начар. Бул туурасында Жогорку Кеңештин депутаты Канатбек Ахмедов бүгүнкү жыйында билдирди.

Анын айтымына караганда, элчиликте эки гана терезе бар. Мигранттарыбыз эртеден кечки бешке чейин күтүп отуруп, араң дегенде 3 мүнөттүк ишин бүтүрүп кетет экен. Алар бир күндүк убактысын жоготуп жатат. Бирдиктүү терезеде тейлөөчү кызматкерлер кааласа терезесин жаап, кофе ичип отуруп алышат. Күзөтчүсү болсо өзүнчө эле элчинин “замы” болуп алган. Каалаганын кылат экен ал.

Ошондой эле депутат мындай кырдаалды жакшыртуу үчүн тапшырмаларды бергиле деп бийликке кайрылды. Кыргызстанга инветиция салып жаткан мигранттардын бул көйгөйүн тезирээк чечүүсүн суранды.