Чолпон-Ата шаарындагы «Көк-Бөрү» аренасында VI Дүйнөлүк көчмөндөр оюндарынын алкагында тыйын эңмей боюнча кызыктуу мелдештер жыйынтыкталды. Ат үстүндөгү шамдагайлык жана чеберчилик боюнча дүйнөнүн 11 өлкөсүнөн келген 11 спортчу ат салышты.

Кыргызстандын курама командасынын өкүлү Азим Эсенбек уулу жогорку чеберчиликти көрсөтүп, турнирдин күмүш медалын тагынды. Алтын байге казакстандык чабендес Канат Бактыбайга буюрса, байгелүү үчтүктү монголиялык Байболат Акылбек жыйынтыктады.

Мелдештин жыйынтыгы жана байге фонддору:

• 1-орун: Канат Бактыбай (Казакстан) — 150 000 сом;
• 2-орун: Азим Эсенбек уулу (Кыргызстан) — 100 000 сом;
• 3-орун: Байболат Акылбек (Монголия) — 80 000 сом.