Бүгүн, 5-февралда Жогорку Кеңештин жыйынында депутат Элдар Абакиров базарда картошканын баасы кымбаттап кеткенин айтты.

Абакиров картошканын 1 килограммы 60-65 сом болуп калганын билдирди.

“Албетте биздин дыйкандар үчүн кубанабыз. Бирок эл үчүн 60 сом оор болуп калат. Азыр ун сатып алсаңыз, бир кап ун 1700-1800 сом болсо, ошол эле салмактагы картошка 2500-3000 сом болуп калды”, – деди ал.

Ал мартта жазгы талаа иштери башталарын, дыйкандарга май жетиштүү болуусуна көңул буруу керектигин айтты.