Сиз азыр өкмөттүн социалдык блогун жетектеп жатасыз, сизге чейин бул тармак кандай эле азыр кандай? Кандай жакшы иштер, кандай жылыштар болду. Бул суроону Жогорку Кеңештин депутаты Айбек Алтынбеков Министрлер кабинетинин төрага орун басары Эдил Байсаловго берди.

“Биздин иштегенибизге 4 ай болуптур. Абал жаман деп айта албаймын. Мурдагы өкмөттөр колунан келишинче аракет кылышкан. Бирок, азыр жетекчилик түп тамырынан бери изилдеп, абалды жакшырткыла деп жатат. Балким, жыйынтык жөнүндө айтыш али эртедир. Биз жетекчиликтин ишенимин аткарганга аракет кылып жатабыз” – деди Эдил Байсалов.