Көк бөрү боюнча Кыргызстандын курама командасынын башкы ветеринары Айбек Абдыманапов Reporter.kg сайтына VI Дүйнөлүк көчмөндөр оюндарынын алкагындагы мелдештерге аттарды даярдоо тууралуу айтып берди.

Анын айтымында, улуттук курама үчүн аттарды тандоо эки айга созулган. Көк бөрү жана көкпар боюнча ар бир команданын курамына тандоодон өтүп, мелдештерге даярдалган 12ден ат кирет.

«Биз мыкты аттарды эки ай бою тандадык. Аларды физикалык жактан даярдап, ар кандай витаминдерди жана атайын жем-чөптөрдү бердик. Командада оюндун ар кандай позицияларына ылайыкталган — чабуулчу, коргоочу жана башка ролдогу аттар бар», — деп билдирди Абдыманапов.

Ал белгилегендей, аттар атайын атканаларда багылып, адистердин дайымкы көзөмөлүндө турат.

Мелдештин алдында жаныбарлар ветеринардык көзөмөлдөн өтөт, алардан тиешелүү анализдер алынып, ошондой эле чибинин жана ветеринардык паспортунун бар-жогу текшерилет.

Reporter.kg — Дүйнөлүк көчмөндөр оюндарынын расмий маалыматтык өнөктөшү.