VI Дүйнөлүк көчмөндөр оюндарынын алкагындагы самбо боюнча медалдык таймаштар жыйынтыкталды. Турнирдин байгелери үчүн дүйнөнүн 20 өлкөсүнөн келген 79 эң күчтүү спортчу ат салышты.

Кыргызстандын курама командасы үчүн 79 кг чейинки салмак категориясындагы финал ийгиликтүү аяктады: кыргызстандык самбочу Феликс Уланбеков беларустук атаандашын жеңип, алтын медалга ээ болду. 64 кг чейинки салмак категориясында россиялык Денис Яковлев жеңишке жетишсе, оор салмакта (98 кг жогору) казакстандык Болат Сапар чемпион болду.

Самбо боюнча мелдештеги жыйынтыктар:

• 64 кг чейин: 1. Денис Яковлев (Россия), 2. Урунлие (Кытай), 3. Жандос Бейшенбаев (Казакстан);
• 79 кг чейин: 1. Феликс Уланбеков (Кыргызстан), 2. Уладзислау Мардусеевич (Беларусь), 3. Мунхабаяр Нергул (Монголия);
• 98 кг жогору: 1. Болат Сапар (Казакстан), 2. Зуфарбек Уралов (Өзбекстан), 3. Глеб Позахирко (Россия).