Интернетке жаңжалдашып жаткан адамдардын видеосу тарады. Анда алардын бири экинчисине “документиңди көрсөт, эмнеге колумду кайрыйсың” деп кыйкырганын угууга болот.
Ал экинчи адамга СБ – ИИМдин ички иликтөө кызматынын кызматкери катары кайрылып, ага көрсөткөн кордугу үчүн эртеси күнү эсептешем деп уят сөздөр менен сөккөн.
Ошондой эле ал камера тарапты көрсөтүп, мыйзам чегинде иш алып барып жаткан жол инспекторлорун сыйлаарын, ал эми ички иликтөө кызматынын кызматкерлерин “өтө сыйлабастыгын” айтып, колдору менен сөздөрүн тастыктаган.
Видео качан тартылганы белгисиз. Бирок айрым маалыматтарга караганда окуя Ошто орун алган.
