Президент Садыр Жапаров 19-июлда «Борбор Азия — Булуңдагы араб мамлекеттеринин кызматташтык кеңешинин» биринчи саммитинде сөз сүйлөп, бир катар сунуштарды айтты. Бул тууралуу мамлекет башчынын маалымат кызматы билдирди.
Өлкө башчы төмөнкү кадамдарды жасоону сунуштады:
— Араб өлкөлөрү менен визасыз зонаны түзүү;
— авиакомпанияларды борборлор ортосунда үзгүлтүксүз аба каттамдарын ачууга жана кеңейтүүгө дем берүү жана колдоо көрсөтүү;
— биргелешкен туристтик маршруттарды иштеп чыгуу;
— банктар аралык кызматташтыкты чыңдоо;
— соода жана инвестициялык кызматташтыкты өнүктүрүү.
Мындан тышкары, президент регионалдык энергетикалык жана суу коопсуздугун чыңдоого олуттуу салым кошо турган Кыргызстандагы Камбар-Ата-1 ири ГЭСин курууга активдүү катышуу мүмкүнчүлүгүн карап чыгууну сунуштады.
Ошондой эле, өлкө башчы соода-экономикалык кызматташтыкты бекемдей турган «Кытай-Кыргызстан-Өзбекстан» темир жолун куруу боюнча мегадолбоорду биргелешип ишке ашырууга катышууга чакырды.
Биздин Телеграм каналга катталыңыз
