Бүгүнтөн баштап балдарды мектепке жана бала бакчага электрондук кабыл алуу башталды. Бирок, ата-энелер системанын иштегенине нааразы.
Билим берүү жана илим министрлиги сайтка каттоо башталгандан кийин колдонуучулардын агымы көп болгондуктан техникалык мүчүлүштүктөр болгонун белгиледи.
«Күн ичинде көйгөйлөр адистер тарабынан жоюлат. Бирок система маал-маалы менен жүктөмдөн улам иштебей калышы мүмкүн, анткени ал арызды толтуруу жана аны тастыктоо процессин жөнөкөйлөштүрүүчү жана автоматташтырган бир нече маалымат базаларын интеграциялоо үчүн татаал архитектурага ээ”, — деп белгилейт министрлик.
Билим берүү министрлиги ата-энелерге түшүнүү менен мамиле кылууну өтүнөт.
«Биз бардыгын каттай алат деп ишендиребиз», — деп кошумчалады Билим берүү жана илим министрлиги.
Суроолор жана толук маалымат төмөнкү номерлерге чалып билсе болот:
• колл-борбор — 119;
• техникалык колдоо номерлери — 0312988940, 0220022196, 0220022183, 0220022381.
