23-май күнү Кочкор районунда сот тарабынан ишмердүүлүгүнө тыюу салынган “Йакын Инкар” диний-экстремисттик агымынын жергиликтүү ячейкасынын мүчөсү М.у.С. диний багытты тандоодо адашкандыгын мойнуна алды. Бул туурасында Улуттук коопсуздук мамлекеттик комитетинен 25-май күнү билдиришти.

Маалыматка караганда, “Йакын Инкар” диний-экстремисттик агымынын экстремисттик идеяларынан баш тартып, башка жарандарды аталган агымдын мыйзамсыз чакырыктарына алдырбоого үндөдү.

Белгилей кетсек, аталган Кыргыз Республикасынын жараны М.у.С. узак убакыт бою жергиликтүү калктын арасында диний-экстремисттик агымдын радикалдык идеяларын үгүттөгөн, “Йакын Инкар” кыймылынын жергиликтүү түзүмдөрүнө жаңы мүчөлөрдү тарткан.