Чүйдүн Москва районундагы абакка баңгизат ыргыткан эки жаран кармалды. Бул тууралуу Ички иштер министрлигинен  билдиришти.

Маалыматка караганда, белгисиз жарандар абактын аймагына скотч менен оролгон эки брикетти ыргытып кеткен. Соттук-химиялык экспертизанын жыйынтыгына ылайык, аталган зат каннабис чайыры (нашаа) болуп чыккан. Анын салмагы 454 граммды түзгөн.

Аталган фактыга байланыштуу Кылмыш-жаза кодексинин 282-беренеси боюнча кылмыш иши козголгон.

Ыкчам-тергөө иштеринин натыйжасында шектүү катары Алексеевка айылынын 24 жаштагы А.Д. жана Кара-Балта шаарынын 28 жаштагы М.Б. аттуу тургуну кармалып, убактылуу кармоочу жайга камакка алынган.

Соттун чечими менен 24 жаштагы А.Д.га карата камакка алуу бөгөт чарасы тандалган.

Учурда ыкчам-тергөө иштери уланып, соттолгондордун арасында шектүүлөрдү аныктоо боюнча чаралар көрүлүүдө.

[image_carousel source=”media: 197342,197341,197340,197339″ limit=”20″ slides_style=”default” controls_style=”dark” crop=”none” columns=”1″ adaptive=”yes” spacing=”yes” align=”none” max_width=”none” captions=”no” arrows=”yes” dots=”yes” link=”none” target=”blank” autoplay=”4″ speed=”medium” image_size=”large” outline=”yes” random=”yes”]

Биздин Телеграм каналга катталыңыз