Шайлоого байланыштуу 41 кылмыш иши ачылды. Бул тууралуу Ички иштер министрлигинин өкүлү Султан Макилов билдирди.

Анын айтымында жалпы 255 мыйзам бузуу фактысы катталган.

“Шайлоо процессинде жалпы 255 мыйзам бузуу жөнүндө маалымат түштү.  Анын ичинен 41 кылмыш иши, 35 жоруктар, 23 бузуулар боюнча катталды. Ошондой эле электрондук каттоо журналына 150 маалымат катталып каралып жатат. Эки окуя боюнча ишти сотко өткөрүлдү. Биринчиси Баткен облусунда “уурулук” беренеси менен 1 факты, Ош облусунда добуш сатып алуу боюнча 1 факты боюнча да иш сотко өттү. Дагы бир факты Токтогул районунда “документ жасалмалоо” беренеси менен сотко өткөрүү процесси жүрүп жатат”, – деди Макилов