Социалдык фондун төрагасынын орун басары Гүлнура Жуматаева кайсы аймакта эң жогору пенсия алышат деген суроого Жогорку Кеңеште жооп берди.
“Эң жогорку пенсия Бишкекте. Орто пенсия 8100 сом, орто эмгек акы 22 677 сом. Эң төмөн пенсия Ош облусунда. Орто пенсия 5733 сом, ал эми эң төмөн эмгек акы Баткенде 13017 сом. Башка аймактар ушулардын ортосунда.
Эң көп пенсия алуучулардын саны: Ош облусунда 141 миң 686, андан кийин Жалал-Абад менен Чүй. Кыргызстан боюнча 714 миң пенсионер бар”- экенин билдирди.
Ушул тапта пенсиялык системаны реформалоо боюнча парламенттик угуу болуп жатат.
