Кара-Балта шаарынын 21 жаштагы Э.А. Россияда кармалып, Кыргызстанга алып келинди. Бул тууралуу Чүй облустук ички иштер башкармалыгы билдирди.

Ага Кылмыш-Жаза кодексининин 158-беренеси менен ыплас аракеттерге шектелип иш козголгон.

Милициянын маалыматында, шектүү өткөн жылдын май айында өзүнүн 9 жана 10 жаштагы карындаштары уктап жаткан кезде, алардын жыныс органдарын сүрөткө тартып, аны өзүнүн социалдык тармактагы аккаунттарына жүктөгөн. Анын баракчаларынан балдарга жасалган сексуалдык зомбулуктун дагы видеолору табылган.

Э.А. Россияга чыгып кеткендигине байланыштуу аны камакка алуу чечими чыгарылып, издөө жарыяланган.

Ал 22-март күнү соттун чечими менен бир айга Бишкек шаарындагы №1 Тергөө абагына камалды.

Биздин Телеграм каналга катталыңыз