Ош облусунун Кара-Суу районунда жайгашкан кыш заводу жана ага тиешелүү жер тилкелери мамлекеттин менчигине кайтарылды. Бул тууралуу Башкы прокуратура билдирди.

Маалыматка караганда, Кара-Суу районунун прокуратурасы жүргүзгөн текшерүүнүн жүрүшүндө Манас айыл өкмөтүндөгү 2 миң 475 гектар жер тилкеси жеке жактарга мыйзамсыз сатылып кеткендиги аныкталган.

Прокурордук чаралардын жыйынтыгында, баасы 229 млн 750 миң сомду түзгөн кыш заводу жана ага тиешелүү 2,475 гектар жер тилкеси мамлекеттин карамагына өткөрүлдү.