Ысык-Көл облустук ооруканасынын төрөт бөлүмүндө толготуп жаткан аял каза болду. Бул тууралуу Саламаттыкты сактоо министрлигинин Ысык-Көл облусу боюнча координатору Жаңыл Акунова билдирди.

Ак-Суу районунун Токтогул айылынын 23 жаштагы тургуну 9-сентябрга караган түнү төрөт үйүнө оор абалда түшкөн. Анын шишиги бар, дем алуусу начар, сатурациясы төмөн болгон.

«Анын ата-энеси Түптө жашайт, ал ошол жерде болгон. Бирок алар дарыгерлерге кайрылышкан эмес, абалы оорлошуп, төрөт үйүнө жеткирилген. Дарыгерлер операция жолу менен төрөттү. Тилекке каршы, абалы жакшырбай каза болуп калды», – деди Акунова.

Аялдын 36 жумалык боюнда болгон, каттоодо турган. Ымыркай азырынча ооруканада жатат, абалы турукташып калды.

Биздин Телеграм каналга катталыңыз